Drejtori i FBI-së Christopher Wray i tha Wall Street Journal se agjencia po heton 100 lloje të ndryshme të softuarëve malinjë, shumë prej të cilëve vijnë nga Rusia.
Në intervistën e botuar sot (e premte), Wray tha se Rusia është shtëpia e shumë prej përdoruesve të njohur të softuerëve malinjë.
Secila nga 100 variantet e ndryshëm të softuerit me qëllim të keq është përgjegjës për sulme të shumta ‘ransomware’ në Shtetet e Bashkuara, tha Wray për gazetën.
Kremlini tha po sot se fjala e drejtorit të FBI-së se Rusia është një parajsë hakerash ishte “emocionale”, raporton ‘RIA’.
Muajin e kaluar, tubacioni më i madh i gazsjellësit Kolonial të SH.B.A. u godit nga një sulm kibernetik ‘ransomware’, i cili paralizoi furnizimin me karburant për disa ditë në shtetet juglindore të SHBA-së. FBI-ja ia atribuoi sulmin kibernetik një grupi që besohet se ishte i vendosur në Rusi ose Evropën Lindore./Tirana Today
