Nga: MARSELA SINANI
Nuk janë të pakta rrjetet e hakerave të cilët nëpërmjet vjedhjes së të dhënave personale në Facebook, kanë marrë me mashtrim shuma të majme parash. Me përdorimin e teknologjisë, mashtrimet kompjuterike gjatë trasfertave të parave, gjithashtu po përjetojnë rritje. Specialistët e krimit kibernetikë thonë se mekanizmi i vjedhjes kryhet nga hakerat që qarkullojnë online. Për të mos rënë pre e këtyre mashtrimeve dhe për të mësuar më shumë rreth sigurisë për të shmangur vjedhjen në rrjetet sociale, “Tirana Today” ka komunikuar me ekspertin IT-së, Tomi Kallanxhi. Mjaft konçiz në përgjigjet e tij, eksperti na jep sugjerime, një dritare kjo më shumë për të qëndruar të përditësuar me të dhënat e fundit.
Cilat janë rreziqet më të mëdha të personave sot nga manipuluesit e të dhënave?
“Në fakt ‘manipulimi’ i të dhënave nuk është problem. Problem është ruajtja e fjalëkalimeve në vende të duhura, një aplikacion që ia u sugjeroj është https://1password.com/”.
Këshillat tuaja ndaj të gjithë personave që kanë akses ndaj internetit. Cilat janë paswordet që duhen bërë për të shmangur vjedhjen?
“Me shtimin e teknologjisë dhe veprimeve teknologjike që bëjmë gjatë ditës, duhet pasur shumë kujdes si psh, nuk duhen vendosur password me të dhëna që ne i kemi publike si emri fëmijës, ditëlindja jonë etj. Fjalëkalimi duhet të jetë pa lidhje me jetën tonë, pasi ka ‘hackera’ që mund të na bëjnë ‘social engineering’.
Çfarë duhet të kemi parasysh për të ruajtur fëmijët nga abuzimi në rrjetet sociale?
“Sot për të ruajtur fëmijët ështe akoma më e kollajt se vite më parë. Ka shumë software që na ndihmojnë t’i ‘kontrollojmë’ dhe t’i vendosim kushte levizjes së tyre online. Një aplikacion i mirë është BITDEFENDER”.
Cilat kanë qenë rastet tipike të të dhënave që hakerat kanë përfituar shuma parash apo vjedhje dokumentesh?
“Mashtrimet të tipit që ke fituar 100 000 dollarë nga hiçi dhe duhet të na japësh 3000- 5000 dollarë për t’i marrë. Me teknologjinë, vjedhja e dokumenteve nuk ka më vlerë, pasi e gjithë qeverisja është elektronike”./TIRANA TODAY
