Donkervoort ka lansuar një version të ri të sportivit D8 GTO.
Individual Series konsiderohet si versioni i fundit stree-legal i D8 GTO.Nuk janë të shumta detajet që Donkervoort ka dhënë për makinën e re dhe opsionet e personalizimit,por nga faqja e internetit e kompanisë mësojmë se blerësit do të jenë në gjendje ti vendosin ‘Individual Series D8 GTO’ “performancën maksimale, komoditetin maksimal ose çfarëdo gjëje tjetër”.
Ndër opsionet do të ishte gjithashtu mundësia e heqjes dorë nga boja, për të lënë fibrat e karbonit të dukshme. Donkervoort gjithashtu do të jetë në gjendje të krijojë bagazhe ose veshje në përputhje me secilën makinë individuale.
Individual Series gjithashtu përfshin disa ndryshime në performancë.Motori 2.5 litërsh me turbocharged ka injektorë të rinj të karburanti dhe një hartë të re që e lejon të zhvillojë 429 kf, kundrejt 415 të D8 GTO JD70 të fundit. Fuqia transmetohet në rrotat e pasme përmes kambios manuale me 5 marshe.Donkervoort pohon se Individual Series do të arrijë 2g përshpejtim anësor si versioni i saj i mëparshëm, por do të jetë në gjendje të vrapojë në pistën e Grand Prix Spa-Francorchamps në 1.4 sekonda më shpejt se JD70.
Discussion about this post