Pothuajse një vit pas lancimit të kufizuar të Spaces, Twitter hap funksionin për të gjithë abonentët.
Aftësia për të pritur seanca audio të drejtpërdrejta mbështetet si për përdoruesit e iOS (iPhone dhe iPad) ashtu edhe për çdo pajisje Android, me versionin më të fundit të Twitter. Mikroblogu prezantoi Spaces në nëntor të vitit të kaluar, si një përpjekje për të ndjekur suksesin e Clubhouse me versionin e tij të chat room të fokusuara në audio.
Në fillim, aftësia për të pritur një ‘hapësirë’ ishte e kufizuar për përdoruesit me 600 ndjekës ose më shumë. Megjithatë, njoftimi i orëve të fundit vjen shumë më vonë se sa pritej, duke qenë se vetë Twitter i kishte vendosur vetes një hapje të funksionit deri në muajin prill.
Rrjeti social ka përditësuar periodikisht Spaces, duke shtuar, për shembull, mundësinë e emërimit të pjesëmarrësve të tjerë si bashkë-prezantues të një transmetimi të drejtpërdrejtë, deri në 10 folës. Ai gjithashtu hapi një fond për “creators” të quajtur Spark Program.
“Ticketed Spaces” , nga ana tjetër, synojnë të rrisin të ardhurat për ata që drejtojnë transmetimet e drejtpërdrejta, falë pagesës së biletave speciale për dëgjuesit. Konkurrenti i drejtpërdrejtë, Clubhouse, doli nga faza beta,në korrik 2021, edhe pse pas një bumi fillestar të shkarkimeve nga pronarët e pajisjeve Android, aplikacioni ka humbur entuziazmin e tij dhe, me sa duket, edhe interes.Analistët tani po pyesin nëse nisja globale e Spaces do të shënojë fundin e Clubhouse ose, anasjelltas, një rifillim të eksperimentit të parë.
Discussion about this post