Për herë të parë, kompania e Shtutgartit ka krijuar një automjet që do të shfaqet ekskluzivisht në një video lojë, Gran Turismo 7. Makina koncept përmban përmasat tipike të markës me elementë të ndryshëm të pjesës së përparme që të kujtojnë Porsche Taycan. Lojtarët do të mund të shikojnë gjithashtu brendësinë e makinës, ku projeksionet futuristike holografike do të tregojnë informacionin e drejtimit.
Pavarësisht elementeve futuriste, inxhinierët e Shtutgartit e projektuan makinën që të jetë sa më realiste dhe t’u përgjigjet me besnikëri ligjeve të fizikës. Porsche Vision Gran Turismo do të debutojë së bashku me kapitullin tjetër të Gran Turismo në PlayStation 4 dhe PlayStation 5 më 4 mars 2022.
Deniz Keskin, drejtor i markës dhe partneriteteve, tha në një intervistë për GamesBeat se projektuesve të firmës gjermane iu deshën rreth tre vjet për të përfunduar këtë dizajn, duke imagjinuar se po punonin në një makinë të vërtetë. Ata kanë bashkëpunuar me studion përgjegjëse për zhvillimin e lojës, Polyphony Digital, për ta bërë Porsche Vision Gran Turismo një nga automjetet më përfaqësuese të katalogut të gjerë të makinave që do të jetë i pranishëm në Gran Turismo 7.
“Ne me të vërtetë iu qasëm punës sikur të ishte një dizajn normal automjeti, duke ndjekur metodën klasike të Porsche për raste të tilla”, tha Keskin. “Është sikur të jetë një makinë koncept për vitin 2030. Kështu që duket futuriste. Por ne u përpoqëm të ishim realistë në kuptimin që nuk vendosëm asgjë në makinë që nuk ishte e realizueshme në realitet. Është një makinë plotësisht elektrike, mjaft kompakte dhe e shkathët ”
Sfida më e madhe për dizajnerët e Porsche ishte të siguroheshin që automjeti të ngjante me automjetet aktuale Porsche në formë dhe stil. Porsche synon të krijojë përvoja autentike dhe emocionale. Në këtë kontekst, videolojërat dhe bota virtuale ofrojnë shumë mundësi për të sjellë përvoja të paarritshme brenda mundësive të të gjithëve. Për këtë arsye, marka ka bashkëpunuar prej disa vitesh me një sërë kompanish në sektorin e lojrave dhe këto aktivitete tashmë janë pjesë përbërëse e marketingut të shtëpisë së Shtutgartit. Gjithashtu, ndërsa Porsche Vision Gran Turismo është makina e parë e Porsche-së vetëm virtuale, nuk është hera e parë që një prodhues makinash ka punuar me një prodhues të lojërave video ngarje në një projekt të tillë.
“Tërheqja e një Porsche vjen nga dizajni i saj purist,” tha Kazunori Yamauchi, president i Polyphony Digital dhe krijues i Gran Turismo, në një deklaratë. “Dhe për sa i përket ekspertizës inxhinierike, si ne ashtu edhe Porsche ndjekim të njëjtën filozofi perfeksioniste. Ne ndajmë të njëjtin pasion për garat dhe presim të ardhmen e industrisë së automobilave me interes dhe pasion”.
Discussion about this post