Pas thashethemeve të shumta për dizajnin dhe specifikimet, ka ardhur edhe rrjedhja e fundit, apo çmimet e mundshme të tre smartfonëve. Sipas të njohurit Roland Quandt, Galaxy S22 Ultra do të kushtojë njësoj si Galaxy S21 Ultra, por modeli bazë do të ketë vetëm 8 GB RAM. Për të pasur konfirmim zyrtar, mbetet vetëm të presim eventin Unpacked të planifikuar për muajin shkurt.
Sipas një rrjedhje informacioni dy javë më parë, Samsung do të kishte vendosur të rriste çmimet e serisë Galaxy S22 me 100 dollarë në krahasim me serinë Galaxy S21. Nga ana tjetër, duket se çmimet europiane do të mbeten të pandryshuara për pothuajse të gjitha modelet. Diferenca tradicionale e çmimit (200 euro) mes Galaxy S22, S22 + dhe S22 Ultra pritet, por për modelin e fundit do të ketë një “surprizë” të mundshme.
Whoever said S22 series was to be cheaper, didn't think of Covid, parts shortages and inflation.
Actual official EURO prices:
S22 8/128GB = 849
S22 8/256GB = 899
S22+ 8/128GB = 1049
S22+ 8/256GB = 1099
S22 Ultra 8/128GB = 1249
S22 Ultra 12/256GB = 1349
S22 Ultra 12/512GB = 1449 pic.twitter.com/QRnfrhkzTz— Roland Quandt (@rquandt) January 22, 2022
Çmimet e treguara nga Roland Quandt janë ato që Samsung do të aplikojë në vende të ndryshme evropiane.
Çmimi i Galaxy S22 Ultra me 8 GB RAM dhe 128 GB hapësirë ruajtëse është i njëjtë me Galaxy S21 Ultra me 12 GB RAM dhe 128 GB hapësirë ruajtëse. Pra, me të njëjtin çmim, përdoruesi do të “humb” 4 GB RAM. Është e qartë se ky është një informacion i pakonfirmuar. Në disa tregje, është planifikuar një version me 16 GB RAM dhe 1 TB hapësirë ruajtëse. Sipas thashethemeve të fundit, ngjarja Unpacked do të ishte planifikuar për në 9 shkurt.
Discussion about this post