Në WhatsApp, funksioni i transferimit të bisedave nga telefonat Android tek ata me sistemin operativ iOS të Apple po vjen.
Sipas thashethemeve të faqes WABetaInfo, opsioni është duke u kompletuar dhe do t’ju lejojë të transferoni biseda duke përdorur aplikacionin Switch to iOS, prandaj nuk do të bazohet në kopje rezervë tradicionale.
Sipas sajtit WABetaInfo, i cili gjithashtu shpërndau disa pamje nga ekrani që tregojnë se si mund të funksionojë mekanizmi, WhatsApp do të kërkojë leje përpara se të fillojë procesin e transferimit, më pas do t’ju udhëzojë që ta mbani aplikacionin të hapur dhe telefonin tuaj të shkyçur ndërsa bisedat migrojnë.
Për momentin nuk dihet data zyrtare e lansimit të këtij funksioni dhe as cilat pajisje do ta mbështesin atë.
Discussion about this post