Projekt i ri nga një gjigant teknologjik për të sjellë internetin në zonat e botës që nuk mbulohen mirë.
Microsoft ka njoftuar planet për të sjellë akses në internet satelitor për 100 milionë njerëz deri në vitin 2025 në Afrikë, si pjesë e përpjekjeve për të kapërcyer ndarjen dixhitale me botën në zhvillim.
“Nuk ka mungesë talentesh, por ka mungesë të madhe mundësish”, tha presidenti i gjigantit Redmond, Brad Smith.
“Është kontinenti më i ri në botë me rritjen më të shpejtë të popullsisë, që pritet të rritet nga 1.4 miliardë në gati 1.7 miliardë deri në vitin 2030,” shton Teresa Huston, drejtuese e teknologjisë dhe përgjegjësisë së korporatës.
Zgjerimi teknologjik do të bëhet përmes projektit Airband i cili do të përfshijë Republikën Demokratike të Kongos dhe Nigerinë, por edhe Egjiptin, Senegalin dhe Angolën, “për të siguruar lidhjet e nevojshme, shpesh për herë të parë”, nënvizon Microsoft. Airband funksionon përmes partneriteteve lokale dhe rajonale. Planet e Microsoft përfshijnë gjithashtu ofrimin e internetit në Guatemalë, Meksikë dhe pjesë të largëta të Shteteve të Bashkuara. I lidhur me këtë plan është edhe ai i mbështetjes së ekspertëve të sigurisë kibernetike, të cilët do të nevojiten gjithnjë e më shumë me përhapjen më të madhe të internetit.
Nga Meta-Facebook tek Google, ka shumë emra të mëdhenj të teknologjisë që kanë nisur projekte për internetin në Afrikë. Këto dy kompani, në veçanti, janë në krye të programeve më të mëdha të fibrave optike nënujore me dhjetëra pika uljeje dhe një aktivizim të pritshëm në vitin 2023. Google njoftoi gjithashtu në tetor rajonin e tij të parë afrikan të reve, me bazë në shtetin e Afrikës së Jugut. Nisma është pjesë e një investimi prej 1 miliard dollarësh gjatë pesë viteve në kontinent, ku shërbimet e internetit të Amazon (Aws) dhe Microsoft Azure kanë zbritur gjithashtu për pjesën cloud.
Discussion about this post