“Komisioni Evropian do të zbatojë parimet e kutisë së mjeteve 5G”, rekomandimet e publikuara në vitin 2020 për operatorët me rrezik të lartë, “për prokurimin e tij të shërbimeve të telekomit, për të shmangur ekspozimin ndaj Huawei dhe ZTE”.
Kështu ka bërë të ditur komisioneri i BE-së për Tregun e Brendshëm, Thierry Breton, gjatë një konference për media.
Brukseli, thuhet në një shënim nga ekzekutivi i BE-së, “beson se Huawei dhe ZTE paraqesin rreziqe materialisht më të larta se ofruesit e tjerë të 5G”.
“Vendimet e marra nga disa shtete anëtare për të kufizuar ose përjashtuar plotësisht Huawei dhe ZTE nga rrjetet e tyre 5G janë të justifikuara dhe në përputhje me rekomandimet e BE-së”, tha Breton. Dy gjigantët kinezë të telekomunikacionit, theksoi ai, janë ndër operatorët që konsiderohen “me rrezik të lartë” në rekomandimet e BE-së dhe përfaqësojnë “një rrezik serioz për sigurinë kolektive” të Bashkimit.
Discussion about this post