Microsoft, ‘Softuerët e AI duhet të mësojnë të kërkojë ndihmë’

Mjetet e AI kursejnë kohë kompanive, por ato duhet të mësojnë të pranojnë atë që nuk mund të bëjnë dhe të kërkojnë ndihmë nëse kanë nevojë.

Këto janë fjalët e Vik Singh, nënkryetar i Microsoft, një prej kompanive që është fokusuar më shumë në teknologji, duke investuar edhe në OpenAI, kompania mëmë e ChatGpt.

Që nga shpërthimi i fenomenit të inteligjencës artificiale, përdorimet e modeleve të AI janë shumëfishuar, por po ashtu janë shumuar edhe gabimet, të përcaktuara në zhargon si ‘halucinacione’.

“Për të qenë i sinqertë, gjëja që mungon vërtet sot është një model i AI që ngre dorën dhe thotë ‘Hej, nuk jam i sigurt, kam nevojë për ndihmë’, tha Singh në një intervistë. Ekzekutivi mbërriti në Microsoft janarin e kaluar dhe këtë verë mori përsipër menaxhimin e ekipeve që zhvillonin Copilot, asistentin e inteligjencës artificiale të Microsoft. Ekipet e Singh po punojnë për të integruar Copilot direkt në softuerin e gjigantit të teknologjisë dhe për ta bërë atë më autonom. Për Singh, gabimet dhe halucinacionet janë një problem i rëndësishëm për t’u zgjidhur, sepse klientët e chatbot-it të produktivitetit nuk mund të përballojnë që ai të shpikë përgjigje. “Njerëz shumë të aftë po punojnë për këtë problem – premton menaxheri i gjigantit të IT – në mënyrë që modelet të kërkojnë ndihmë kur nuk e dinë”.