Luminal, kompani e krijuar nga Joe Fioti (ish‑Intel), Jake Stevens (ish‑Apple) dhe Matthew Gunton (ish‑Amazon), ka njoftuar se ka siguruar 5,3 milionë dollarë në raundin fillestar të financimit.
Që nga fillimet e saj, Luminal ka fokusuar energjinë tek optimizimi i softuerit, duke thënë se edhe çipat më të avancuar nuk mund të japin performancën maksimale pa mjete të sofistikuara. Thelbi i biznesit të Luminal është një kompajler që qëndron mes kodit të zhvilluesve dhe harduerit GPU, duke optimizuar mënyrën se si ky kod ekzekutohet. Kjo mund të sjellë përfitime të mëdha në performancë dhe ulje të kostove për kompanitë që përdorin AI-intensive workloads.
Raundi financues u udhëhoq nga Felicis Ventures, ndërsa kontribuan edhe investitorë të tjerë të profilit të lartë, përfshirë Paul Graham, Guillermo Rauch dhe Ben Porterfield. Aktualisht, Luminal është pjesë e Y Combinator (Batch-i Veror 2025) dhe synon të ofrojë një alternativë ndaj kompajlerëve të njohur si CUDA nga Nvidia.
Themeluesit theksojnë se pavarësisht konkurrencës nga laboratorët e mëdhenj, shumë kompani nuk investojnë në optimizim manual të çdo modeli AI. Luminal synon të ofrojë zgjidhje të përgjithshme, të efektshme ekonomikisht, që mund të përdoren në mënyrë të gjërë nga klientët e saj.
Me këtë financim, kompania planifikon të zhvillojë më tej stack-un softuerik dhe të zgjasë përdorimin e teknologjisë tek kompani që operojnë me AI-intensive workloads.
Discussion about this post