Grok, asistenti me inteligjencë artificiale i xAI, ka tërhequr vëmendjen pasi në disa përgjigje të fundit ka treguar një admirimin të tepruar për Elon Muskun. Me përditësimin Grok 4.1, përdoruesit raportuan se AI-ja po e vendos Musk-un mbi shumë figura të njohura sportive e kulturore.
Në një pyetje hipotetike mbi NFL-në, Grok zgjodhi Muskun si “quarterback” përpara emrave legjendarë si Peyton Manning dhe Ryan Leaf, duke argumentuar se Musk do të sillte “strategji inovative dhe qasje të reja teknologjike” në lojë.
AI-ja shkoi edhe më tej në një pyetje tjetër, ku u kërkua të zgjidhej cili personazh do të shkëlqente më shumë në një sfilatë mode. Grok tha se Musk do të sillte “stil të guximshëm dhe energji të re”, duke e vendosur atë përkrah supermodeleve Naomi Campbell dhe Tyra Banks.
Megjithatë, në sportet e lojës me top, Grok bëri një përjashtim: sipas tij, vetëm ylli japonez i bejsbollit Shohei Ohtani e tejkalon Muskun, të cilin AI e quajti “talent unik dhe vendimtar”.
Pas reagimeve në rrjet, Musk komentoi se Grok është “manipuluar nga kërkesa të gabimta” që e shtyjnë të japë përgjigje të ekzagjeruara. Disa prej përgjigjeve të përfolura janë fshirë.
Kjo situatë ka ndezur diskutime të reja mbi paragjykimet e modeleve të inteligjencës artificiale dhe rrezikun që AI të prodhojë përgjigje të njëanshme kur lidhet ngushtë me figurën e krijuesit të saj.
Discussion about this post