Falë një bashkëpunimi të një grupi shkencëtarësh australianë e kinezë, pranë Universitetit RMIT të Melburnit, është arritur shpikja e hologramit më të hollë në botë, me fuqinë për të ndryshuar mënyrën se si e shohim teknologjinë.
I quajtur “nano-hologram”, kjo shpikje ndryshon nga arritjet e tjera në këtë fushë pasi mund të shihet pa nevojën e syzeve 3D dhe është vetëm 25 nanometra i trashë, 1000 nanometra më pak se floku i njeriut.
Sipas shkencëtarëve, hologrami është i thjeshtë për t’u prodhuar dhe krijon mundësinë për të patur imazhe që dalin mbi ekranet e tanishme 2D, pra edhe në smartpfonë tanë.
“Hologramet e gjeneruara nga kompjutrat janë shumë të mëdha për pajisjet tona elektronike, por ky hologram shumë i hollë mposht barrierën e madhësisë. Hologramet 3D mund të paraqesin një sërë të dhënash që nuk mund të shfaqen më së miri në një celular”, sqaroi profesori Min Gu.
Holografia 3D ka potencialin të ndryshojë shumë industri si arsimi, ruajtja e të dhënave, mbrojtja dhe siguria kibernetike.
Discussion about this post