Përdorimi i mirë ose jo i pajisjeve elektronike ndikon drejtpërdrejt në jetëgjatësinë e tyre.
Nëse ne nuk kujdesemi për pajisjet që i përdorim thuajse cdo ditë, atëherë është faji ynë nëse ato dobësohen, ose dalin jashtë përdorimi.
Më poshtë janë disa nga gabimet, të cilat i bëjmë shpesh dhe që shkurtojnë jetëgjatësinë e pajisjeve tona:
Mbushja e baterisë:
Celularët, tabletët dhe laptopët duhet të rimbushen pa pritur që bateria e tyre të bie në zero, pasi shumë prodhues e matin jetëgjatësinë e baterisë për nga numri i cikleve të shkarkimit.
Kështu, për ta rritur jetëgjatësinë e baterisë së pajisjes tuaj, duhet ta rimbushni më shpesh. Opsioni më i mirë është që ta mbushni sa herë që bateria bie në 10%-20%.
Evitoni mbushësit që “e mbushin shpejtë” pajisjen
Nuk është mirë të blini ushqyes të lirë, pasi ata nuk kanë kontrollues të brendshëm. Dhe gjithashtu, mos e mbushni pajisjen tuaj me kabllo USB dhe mbushës jo-nativ.
Një tjetër këshillë e dobishme: evitoni mbushësit e ashtuquajtur “ultra të shpejtë”, të cilët pretendojnë se e mbushin baterinë tuaj shumë shpejt, pasi janë të dëmshëm për pajisjen tuaj.
Kontrollimi i temperaturës:
Kur përdorni laptopin, mos e vendosni atë në gjunjë ose në shtrat. Hapjet e ajrosjes së pajisjes duhet të mbeten të paprekura në mënyrë, që të evitohet mbinxehja. Zgjidhja ideale është që të përdorni mbajtës special për laptop.
Discussion about this post