Xbox po e bën më të lehtë qasjen në informacionet për lojërat, sipas një njoftimi nga kompania. Lojërat në dyqanin Microsoft do të kenë etiketa të veçorive të qasshmërisë, kështu që lojtarët me aftësi të kufizuara mund të sigurohen që lojërat të kenë veçoritë që u nevojiten para se t’i blejnë ose shkarkojnë ato.
Etiketat po shfaqen në dyqan për anëtarët e Xbox Accessibility Insiders League (XAIL).
Etiketat trajtojnë një çështje të shprehur zakonisht nga lojtarët me aftësi të kufizuara: ata shpesh duhet të bëjnë kërkimet e tyre për të kuptuar se cilat lojëra mund të luajnë. Renditja e veçorive të caktuara në dyqan ofron informacionin që mund të jetë i vështirë për tu gjetur, shkruan Verge.
Xbox thotë se planifikon të mbledhë reagime nga anëtarët e XAIL gjatë muajit të ardhshëm para se të zgjerojë disponueshmërinë e etiketave. Lista e etiketave përfshin 20 veçori, dhe më shumë mund të shtohen në të ardhmen bazuar në reagimet nga lojtarët.
Discussion about this post