Kompania britanike “Royal Mint” ka prodhuar kartën e pagesave të bërë prej ari, që kushton 23,500 dollarë. Kompania e zotëruar nga qeveria që prodhon monedha për Mbretërinë e Bashkuar, bëri të ditur se është në bashkëpunim me Mastercard dhe firma të tjera të pagesave.
Blerësit e këtij produkti luksoz do të kenë akses në një llogari premium të quajtur Raris, që ofron tarifa zero të transaksionit dhe këmbimit valitor si dhe përfitime të tjera shtesë të Mastercard, raportoi scan.
Shumë kompani të tenkologjisë kanë prezantuar së fundmi karta premium metalike për klientët e tyre. Kompani të teknologjisë financiare si N26 dhe Revolut shesin karta debiti prej çeliku inoks dhe Apple prezantoi më herët gjatë vitin kartën e kreditit prej titanium.
Karta e artë 18-karatëshe britanike shënjestron njerëz që vlerësojnë sende luksoze me cilësi të lartë.
Royal Mint pret të nxjerrë në treg produktin e parë të listuar në bursë, një lëndë të parë të listuar në bursë (ETC) që ndjek çmimin e arit në fillim të vitit 2020.
Discussion about this post