Muajt e fundit, Tik Tok ka punuar në mënyra të reja për të kufizuar shikimin e llojeve të caktuara të përmbajtjes tek të miturit.
Një lëvizje që është pjesë e një shtytjeje më të madhe drejt rritjes së sigurisë për përdoruesit më të rinj.
Aplikacioni, në një postim në blog, zbuloi lançimin e një versioni të ri të “modelit të analizës kufitare”, të cilin kompania e përdor për të identifikuar automatikisht “përmbajtje seksualisht eksplicite, sugjestive ose kufitare”.
Qëllimi është të identifikohen videot që nuk shkelin haptazi udhëzimet e rrjetit social, por që mund të jenë të papërshtatshme për një audiencë të re. Modeli i zbulimit të përmbajtjes së gjeneratës së ardhshme, sipas Tik Tok, do të kishte “parandaluar tashmë llogaritë e adoleshentëve nga shikimi i më shumë se një milion video sugjestive seksuale në 30 ditët e fundit”.
TikTok njoftoi gjithashtu se ka bashkëpunuar me StopNCII.org, një mjet falas në internet i krijuar për të mbështetur viktimat e abuzimit të imazheve intime të shpërndara pa pëlqimin e tyre. Pjesë e të njëjtit projekt është edhe Meta, kompania mëmë e Facebook. “Jo vetëm që ky partneritet do të ofrojë mbështetje më të mirë për viktimat, por gjithashtu do të ndihmojë në parandalimin automatik të postimit të përmbajtjes së identifikuar përmes partneritetit tonë në platformë,” vazhdon ekipi i aplikacionit. “Qëllimi ynë ka qenë gjithmonë të sigurojmë që komuniteti, veçanërisht adoleshentët, të kenë një përvojë të sigurt, pozitive dhe të gëzueshme kur përdorin TikTok.”
Në fillim të dhjetorit, shteti amerikan i Indianës paditi zhvilluesin e Tik Tok, kompaninë kineze Byte Dance, duke e akuzuar atë për shfaqjen e përmbajtjeve për të rritur tek adoleshentët. Prokurori i Përgjithshëm, republikani Todd Rokita, e bazoi argumentin e tij në studime dhe raporte që do të lidhnin përdorimin e platformës me çrregullimet e të ngrënit dhe depresionin tek të rinjtë.
Discussion about this post