Menjëherë pas lançimit të telefonave inteligjentë të rinj Apple, doli se iPhone 13 është jashtëzakonisht i brishtë dhe ka nevojë për një mbulesë për të mos u thyer që në rënien e parë. Megjithatë, ky mund të mos jetë rasti me telefonat inteligjentë të vjetër: një video nga kanali VASAviation raporton se një iPhone i mbijetoi rënies nga një aeroplan pa u dëmtuar.
Natyrisht ka një “por”: në fakt nuk po flasim për një aeroplan në fluturim, por për një në fazën e ngritjes. Videoja e VASAviation, në fakt, raporton një bisedë mes një piloti të linjës ajrore dhe kullës së kontrollit të aeroportit nga i cili sapo është nisur, në të cilën kapiteni pretendon se i ka humbur iPhone në fazat e hershme të ngritjes së avionit, ndërsa kjo ishte ende në tokë në pistën e nisjes, ose maksimumi kur sapo ishte shkëputur nga toka.
Edhe pse rënia nuk ka ndodhur nga lartësitë shumë të larta, rezistenca e telefonit mbetet e lakmueshme: nëse do të kishte rënë nga avioni gjatë nisjes, shpejtësia e tij do të ishte ndërmjet 80 dhe 90 km/h, prandaj edhe përplasja me pistën do të kishte qenë veçanërisht e dhunshme. Telefoni, megjithatë, doli pa asnjë gërvishtje, madje edhe ekrani mbeti i paprekur.
Të gjithë bisedën mes pilotit dhe kullës së kontrollit, duke përfshirë edhe zbulimin e pajisjes, mund ta dëgjoni në videon që gjeni në këtë lajm. Më tej, theksojmë se disa vite më parë një iPhone 6S i kishte mbijetuar rënies nga një avion turistik që ishte vërtet në lartësi të madhe, pa raportuar dëme.
Discussion about this post