Microsoft ka njoftuar veçori të reja për Edge që përmirësojnë përvojën e blerjeve, disa prej të cilave janë të disponueshme në Android dhe iOS. Kompania Redmond ka zbuluar njëkohësisht lajme interesante përsa i përket sigurisë dhe një modaliteti që ju lejon të rrisni jetëgjatësinë e baterive të laptopëve.
Microsoft përpiqet të tërheqë përdoruesit (madje edhe në mënyra të dyshimta) duke u fokusuar në blerjet dhe integrimin me Bing. Shfletuesi tashmë ofron funksione të ndryshme që thjeshtojnë dhe shpejtojnë procesin e blerjes, si historia dhe krahasimi i çmimeve. Edge do t’ju lejojë gjithashtu të gjurmoni produktet e shikuara më parë dhe të merrni një alarm kur çmimi ndryshon.
Mjetet e krahasimit të çmimeve dhe historisë së shpejti do të mbërrijnë edhe në Android. Një tjetër risi ka të bëjë me sigurinë. Edge integron një password manager dhe një tool që kontrollon nëse kredencialet janë të forta, të përdorura në shumë site dhe përfunduan në disa leak. Duke klikuar në artikullin përkatës, përdoruesit do të çohen drejtpërdrejt në faqen për ndryshimin e fjalëkalimit të llogarisë. Për të krijuar një të re, mund të përdorni gjeneruesin e fjalëkalimit të shfletuesit.
Funksioni më i fundit i shpallur nga Microsoft lejon rritjen e autonomisë. Duke aktivizuar modalitetin e efikasitetit në cilësimet, Edge zvogëlon konsumin e burimeve të sistemit (CPU dhe memorie), duke zgjatur kështu jetën e baterisë së laptopit. Shfletuesi aktivizon automatikisht hibernimin e skedës në sfond pas 5 minutash. Ky opsion është tashmë i disponueshëm në Edge 95.
Discussion about this post