Disa përdorues raportuan se kufiri minimal për marrjen e një njoftimi në lidhje me përdorimin e përditshëm të Instagram u rrit në 30 minuta. Ndaj duket se qëllimi i Metës është t’i mbajë përdoruesit më gjatë në rrjetin social. Lajmi vjen rreth tre javë pas rënies së tregut të aksioneve. Megjithatë, kompania Menlo Park shpjegon se zgjedhja e një kohëzgjatjeje më të shkurtër mund të bëhet me veçorinë Take a Break.
Afati kohor apo të bëni një break?
Aftësia për të vendosur një kufi të përdorimit ditor u prezantua në vitin 2018 për t’iu përgjigjur kritikave për efektet që Instagram ka në shëndetin mendor të përdoruesve, veçanërisht më të rinjve. Ky problem, i cili mund të çojë në varësi të vërtetë, është vënë në pah nga disa ekspertë të industrisë dhe ish-punonjësja Frances Haugen. Prandaj Meta ka vendosur të shtyjë lançimin e Instagram Kids dhe të prezantojë veçori të reja të kontrollit prindëror.
Deri më tani ishte e mundur të vendosej një kufi ditor duke filluar nga 5 minuta, pas së cilës në ekran shfaqej një paralajmërim. Përdoruesit që kanë vendosur një kufi prej më pak se 30 minuta, tani do të duhet të zgjedhin një kohëzgjatje nga 30 minuta në 3 orë. Kufiri minimal është ende 5 minuta në aplikacionin Facebook.
Raporti i fundit tremujor i Metës tregoi se numri i përdoruesve ditorë dhe mujorë ka mbetur pothuajse i pandryshuar. Prandaj mund të supozohet se eliminimi i kufijve prej më pak se 30 minutash është për shkak të nevojës për të mbajtur përdoruesit në platformë më gjatë.
Një zëdhënës i Meta shpjegoi se kufiri minimal është ndryshuar për të shmangur një numër të tepërt njoftimesh pas prezantimit të funksionit të ri Take a Break, me të cilin është e mundur të vendoset një interval kohor nga 10 deri në 30 minuta.
Discussion about this post