Tik Tok zgjeron programin që nxjerr në pah llogaritë e mediave dhe organeve të kontrolluara nga qeveria.
Risia vjen pas një faze testimi, e cila, muajt e fundit, ka përfshirë mediat e konsideruara nga TikTok si të lidhura me Rusinë dhe aktive në përcjelljen e narrativës së konfliktit në Ukrainë mes përdoruesve.
Deri më tani, Tik Tok raportonte, me një emërtim specifik, media në Ukrainë, Rusi dhe Bjellorusi, ndërsa me projektin aktual do të zgjerohet në mbi 40 vende, të paspecifikuara. “Politika jonë e medias e lidhur me shtetin është të etiketojë llogaritë e operuara nga subjekte, editoriali ose vendimmarrja e të cilave është nën kontrollin ose ndikimin e një qeverie,” tha Justin Erlich, Shefi Global i Politikave dhe Partneriteteve për Çështjet, Mirëbesimi dhe Siguria. “Qëllimi është të sigurohet që njerëzit të kenë një kontekst të saktë dhe transparent kur ndërveprojnë me llogaritë e mediave që mund të paraqesin këndvështrimin e qeverisë. Ne nisëm një projekt pilot vitin e kaluar me bashkëpunimin e më shumë se 60 ekspertëve të medias, shkencëtarëve politikë, akademikëve dhe përfaqësues të organizatave ndërkombëtare dhe shoqërisë civile në Amerikën Veriore dhe Jugore, Afrikë, Evropë, Lindjen e Mesme, Azi dhe Australi”. Në vlerësimin e pavarësisë editoriale të një media, Tik Tok merr në konsideratë deklaratën e misionit të një organizate, praktikat e saj editoriale, përbërjen e piramidës vendimmarrëse dhe qëndrimet aktuale të marra mbi faktet lokale dhe globale.
“Ne aplikojmë kontroll shtesë edhe për subjektet që mund të varen shumë nga financimi i shtetit, drejtpërdrejt ose nëpërmjet reklamave, kredive dhe granteve”, përfundon rrjeti social. Çdo llogari e shënuar do të shfaqë një etiketë “media e kontrolluar nga shteti”, me një mundësi për të klikuar mbi sinjalizimin për të informuar veten dhe për të kuptuar çdo tendencë në postimet e përbashkëta.
Discussion about this post