Australia ndalon Twitch për adoleshentët — çfarë do të thotë kjo për përdoruesit nën 16 vjeç

Komisioni australian i sigurisë në internet (eSafety) ka vendosur që Twitch, platforma e transmetimit live, të jetë pjesë e ligjit që ndalon nën-16-vjeçarët të kenë llogari në rrjetet sociale.
Sipas rregulloreve, që hyjnë në fuqi më 10 dhjetor 2025, platformat që nuk ndërmarrin “hapa të arsyeshëm” për të ndaluar përdoruesit e rinj do të përballen me gjoba deri në 49.5 milionë dollarë australianë.
eSafety argumenton që Twitch është një platformë interaktive, me shumicë përdorimi për chat dhe transmetim, prandaj i përshtatet përkufizimit të “rrjete sociale me kufizim moshe”.
Nga ana tjetër, Pinterest është përjashtuar nga ky ndalim. Sipas eSafety-s, qëllimi kryesor i Pinterest është përmbledhja e imazheve për frymëzim, dhe nuk ka karakter interaktiv të fortë si Twitch.
Twitch ka konfirmuar se nuk do të lejojë më krijimin e llogarive nën 16 vjeç pas 10 dhjetorit, dhe llogaritë ekzistuese në këtë grup moshe do të çaktivizohen më 9 janar.
Ky lëvizje bën që Australia të jetë ndër vendet e para që aplikon një ndalim të tillë të gjerë, duke synuar mbrojtjen e fëmijëve nga rreziqet e përdorimit të rrjeteve sociale.