OpenAI ka prezantuar Astra, modelin e saj më të ri të inteligjencës artificiale, të cilin kompania e përshkruan si modelin më të fuqishëm dhe më të aftë që ka krijuar deri tani. Astra është projektuar për të kryer detyra në kompjuter dhe shfletues me më shumë shpejtësi dhe saktësi, duke zgjeruar atë që përdoruesit mund t’ia delegojnë AI-së.
Një nga pikat më të rëndësishme të Astra-s janë aftësitë në sigurinë kibernetike. OpenAI thotë se modeli është testuar në disa standarde sigurie dhe mund të ndihmojë në identifikimin e dobësive, përfshirë ato të panjohura më parë. Për këtë arsye, Astra është vënë fillimisht në dispozicion të klientëve të programit të sigurisë kibernetike të OpenAI, Daybreak, përpara se të zgjerohet te planet me pagesë dhe API-ja.
OpenAI e promovon gjithashtu Astra-n si modelin e saj më të mirë deri tani për inxhinierinë e softuerit. Në testet e publikuara nga kompania, ai ka dalë përpara disa modeleve të tjera në detyra që lidhen me gjetjen e gabimeve, përdorimin e terminalit dhe analizimin e kodeve.
Por Astra nuk po tërheq vëmendje vetëm për fuqinë e saj. Modeli përdor një teknikë arsyetimi të quajtur “opaque recurrence”, e cila mund ta bëjë më të vështirë monitorimin e mënyrës se si AI-ja arrin në një vendim. OpenAI pranon se, me rritjen e aftësive të modeleve, bëhet gjithnjë e më e vështirë të monitorohet procesi i tyre i arsyetimit.
Discussion about this post