Instagram do ju ofrojë krijuesve(Creators) deri në 35,000 dollarë për të postuar video në Reels, një opsion i programit i ngjashëm me aplikacionin Tik-Tok.
Instagram njoftoi programin e tij të bonusit për Reels në korrik, kur CEO i Meta Mark Zuckerberg tha se kompania do t’u paguante 1 miliard dollarë krijuesve deri në vitin 2022.
TechCrunch me anë të një postimi në Reddit tregon se dikujt do t’i ofrohen deri në 35,000 dollarë nëse Reels-et e tyre marrin 58.31 milion shikime në një muaj.
Ndërkohë, krijuesit që marrin më pak shikime iu janë ofruar shifra më modeste.
Maddy Corbin, një krijuese me rreth 52,000 ndjekës në Instagram, thuhet se iu ofrua deri në 1,000 dollarë ndërsa të tjerëve 600 ose 800 dollarë.
TechCrunch raporton se këto bonuse duket se po rriten me kalimin e kohës. Një krijuesi tjetër me 24,000 ndjekës në Instagram, së fundmi iu ofruan 8,500 dollarë për 9.28 milionë shikime. E njëjta pagesë iu ofrua një anëtari të stafit të Verge me 15,000 ndjekës.
Duket se nuk ka ndonjë rregull të fortë se si shumat e pagesave korrespondojnë me numrin e ndjekësve. Instagram i ka thënë TechCrunch se programi është në fazat e hershme dhe se është ende duke eksperimentuar me formatin.
“Ne po vazhdojmë të testojmë pagesat ndërsa shpërndajmë te më shumë krijues dhe presim që ato të rriten ndërkohë që ne jemi ende duke filluar,” tha kompania.
Discussion about this post