Disa qytetarë Salvadoranë janë ankuar në mediat sociale për mungesat në portofolin e tyre Chivo, zgjidhja teknike e zhvilluar nga qeveria për të lejuar të gjithë të mbajnë Bitcoin pasi ato u njohën të ligjshme nga qeveria shtatorin e kaluar, me nxitjen e Presidentit Nayib Bukele.
Që nga 16 dhjetori i kaluar në Twitter është hapur një temë nga përdoruesi El Comisionado i cili ka mbledhur Tweet të ndryshëm nga përdorues të shumtë të cilët kanë raportuar humbje për një total prej rreth 96 mijë dollarësh. Përdoruesit zbulojnë transaksione dalëse të pa kryera prej tyre, për shuma totale që në kuletat individuale arrijnë edhe disa mijëra dollarë. Përdoruesi Luis Guardado në një Tweet tha: “Ka një problem sigurie në portofolin ku paratë dhe transaksionet janë zhdukur. Nuk ka mbështetje teknike dhe vetëm telefonata të padobishme. Ku janë paratë e mia?” në një apel të drejtpërdrejtë drejtuar Presidentit Bukele.
Presidenti i El Salvadorit kishte deklaruar në tetor se rreth 3 milionë salvadoranë kishin adoptuar tashmë portofolin Chivo, ose rreth gjysma e të gjithë popullsisë së vendit. Që kur ligji për Bitcoin u propozua për herë të parë, shumë e kanë kundërshtuar masën për arsye të ndryshme, duke përfshirë paqëndrueshmërinë e natyrshme të kriptomonedhave dhe dyshimet për përshtatshmërinë e investimeve për fondet e pensioneve.
Mospajtimi u materializua në një marshim nëpër kryeqytetin San Salvador përpara se ligji të hynte në fuqi, dhe më pas me protesta të dhunshme me akte vandalizmi ndaj bankomatëve të bitcoin që qeveria ka vendosur në vend. Dhe tani historia që përfshin kuletat Chivo dhe humbjen e fondeve vetëm mund të nxisë klimën e mosbesimit rreth kriptomonedhës.
Ndërkohë, presidenti Bukele, i cili ka përdorur shpesh rrjetet sociale për të promovuar miratimin e BTC, për të shpallur projekte (siç është qyteti futurist i Bitcoin-it) dhe fushatat e blerjes së kriptomonedhave, nuk ka lëshuar ende asnjë deklaratë zyrtare për situatën.
Discussion about this post