Kanye West (Ye) ishte “rehabilituar” vetëm dhjetë ditë më parë, menjëherë pas rezultatit të sondazhit të Elon Musk për Donald Trump. Pronari dhe CEO i ri i Twitter njoftoi mëngjesin e sotëm se llogaria e reperit është pezulluar sërish për shkelje të rregullave të rrjetit social. Në praktikë “ujkut i bien flokët, por jo vesi”. Pothuajse në të njëjtën kohë u përhap lajmi se blerja e Parler nuk do të përfundojë.
Kanye West: Llogaria në Twitter është pezulluar për 12 orë
Elon Musk kishte deklaruar se Twitter do të bëhet një shesh dixhital ku të gjithë mund të flasin lirshëm, por gjithmonë në përputhje me rregullat dhe ligjin. Pasi pyeti ndjekësit e tij për një opinion, CEO vendosi të riaktivizojë të gjitha llogaritë e pezulluara, përfshirë atë të Kanye West. Si falënderim, reperi ka postuar një imazh të një svastika të mbivendosur mbi Yllin e Davidit.
Tweet-i u fshi më vonë nga moderatorët e platformës dhe llogaria u pezullua përsëri për nxitje të dhunës, sqaroi Musk.
ELON FIX KANYE PLEASE
— Alex 🃏🏝 (@TheeAleexJ) December 2, 2022
Një tjetër imazh, i cili tregonte një Musk me kostum në një jaht, nuk u konsiderua fyese nga pronari i ri i Twitter.
Just clarifying that his account is being suspended for incitement to violence, not an unflattering pic of me being hosed by Ari.
Frankly, I found those pics to be helpful motivation to lose weight!
— Elon Musk (@elonmusk) December 2, 2022
Musk e mbylli çështjen me postimin “FAFO” (fuck around and find out).
FAFO
— Elon Musk (@elonmusk) December 2, 2022
West më pas postoi në Truth Social për shkëmbimin e mesazheve me Musk. Ky i fundit ka shkruar “Më falni, por keni shkuar shumë larg”. Reperi është përgjigjur “Kush të bëri gjykatës?”. West më në fund ndau një pamje të ekranit për të treguar se pezullimi do të zgjasë 12 orë.
Dje kompania kaliforniane publikoi një postim në blogun zyrtar për të nënvizuar se rregullat nuk kanë ndryshuar me ardhjen e Musk, kështu që tweet-et do të penalizohen ose fshihen dhe llogaritë do të pezullohen nëse përdoruesi nuk respekton politikat.
Discussion about this post