Eksperti i Inteligjencës Artificiale (AI) dhe ish-shefi i biznesit të Google X, Mo Gawdat, ka paralajmëruar njerëzit që nuk kanë fëmijë që të mos kenë fëmijë, pasi rritja e shpejtë e Inteligjencës Artificiale vazhdon.
“Rreziqet janë aq serioze, në fakt, saqë kur merrni parasysh të gjitha kërcënimet e tjera për njerëzimin, duhet të shmangni të pasurit fëmijë, nëse nuk jeni bërë ende prindër,” i tha në mënyrë sensacionale Mo Gawdat prezantuesit Steven Bartlett ne podcastin “Diary of a CEO”.
Kjo nuk është hera e parë që drejtuesit e teknologjisë lëshojnë një paralajmërim të tillë.
Në fillim të këtij viti, figurat kryesore, duke përfshirë Elon Musk dhe bashkëthemeluesin e Apple, Steve Wozniak, nënshkruan një letër të hapur duke u kërkuar zhvilluesve të ndalojnë inovacionet e mëtejshme për të paktën gjashtë muaj, në mënyrë që industria dhe përdoruesit përfundimtarë të kenë kohë për të përpunuar përparimin më të fundit.
“Center for AI Safety” lëshoi gjithashtu një deklaratë duke thënë: “Zbutja e rrezikut të zhdukjes njerëzore të shkaktuar nga Inteligjenca Artificiale duhet të jetë një prioritet global, krahas rreziqeve të tjera në shkallë shoqërore, si pandemitë dhe lufta bërthamore”.
Nga ana e tij, Sam Altman, CEO i OpenAI, krijuesi i chatbot jashtëzakonisht popullor ChatGPT, paralajmëroi për “rrezikun ekzistencial”.
“Sfida më e madhe me të cilën është përballur njerëzimi”
Duke folur për temën e AI, Mo Gawdat shkoi aq larg sa të krahasoi realitetin tonë të së ardhmes (por jo shumë të së ardhmes) me filmat e famshëm distopikë si ‘Blade Runner’ i cili u filmua në vitin 1982 dhe u vendos në një Los Anxhelos të vitit 2019.
“Nuk ka pasur kurrë një stuhi kaq të përsosur në historinë njerëzore,” tha Gawdat.
Fjalë zjarri, ato të ish-shefit të biznesit të Google X:
“Ekonomia, gjeopolitika, ngrohja globale, ndryshimet klimatike, e gjithë ideja e inteligjencës artificiale – kjo është një stuhi e përsosur, thellësia e pasigurisë nuk ka qenë kurrë kaq intensive. Nëse i doni vërtet fëmijët tuaj, a do të dëshironit vërtet t’i ekspozoni ata ndaj gjithë këtyre rreziqeve?”
Intervista vjen pasi prezantuesi i podkastit Steven Bartlett emëroi Mo Gawdat si Kryeshefin e AI në agjencinë e tij të marketingut, Flight Story.
“Inteligjenca Artificiale është kulmi i avancimit teknologjik dhe është mendimi im se do të jetë i paprecedentë në përcaktimin se si do të formësohet bota”.
Mo Gawdat
Ekspert i inteligjencës artificiale
“Unë e kam kaluar karrierën time i magjepsur nga roli që luan teknologjia dhe tani sfida më e madhe me të cilën është përballur ndonjëherë njerëzimi është përballë nesh,” tha Gawdat.
“Sofistikimi i inteligjencës dixhitale është i tillë që ajo është bërë e pavarur dhe është diçka për t’u tërhequr në vend që të kontrollohet,” shtoi ai. “Dhe është thelbësore të qëndrojmë në harmoni me kë ta bëjmë dhe si ta bëjmë atë, ose përndryshe rrezikojmë të mbesim pas.”
Discussion about this post