Ndër rekomandimet e dhëna nga linjat ajrore ndërsa jeni në fluturim, pak para nisjes, është që ta vendosni telefonin në modalitetin e aeroplanit. Por herët a vonë, të gjithë do të pyesin veten pse u bë ky rekomandim.
Çfarë ndodh nëse nuk e vendosni smartfonin ose tabletin tuaj në modalitetin e aeroplanit gjatë fluturimit?
Në thelb, rreziqet reale të sigurisë janë zero. Megjithatë, një telefon i lidhur me linjën e të dhënave mund të shkaktojë ndërhyrje (edhe pse të vogla) me sistemet radio të avionit. Teknologjitë e fundit të vëna në dispozicion të aviacionit në fakt nuk janë të ndjeshme ndaj sinjaleve të emetuara nga pajisjet elektronike, por si masë paraprake ndalimi u mbajt gjithsesi.
Implikimet janë kryesisht për telefonat inteligjentë të cilët, duke mos gjetur një antenë celulare për t’u lidhur meqenëse ndodhen në një lartësi të madhe, mund të konsumojnë më shumë bateri pasi janë vazhdimisht në kërkim të sinjalit.
Për ekuipazhin, një telefon që bie, zilja ose ndërhyn në komunikime mund të jetë shkak bezdisjeje.
Megjithatë, kini kujdes: disa linja ajrore, megjithëse rreziqet janë zero, mund t’i gjobitin ose t’i paralajmërojnë pasagjerët.
Discussion about this post