Në një ditë historike për industrinë hapësinore, Blue Origin arriti dy objektiva të mëdha vetëm disa minuta pas nisjes së raketës New Glenn nga Cape Canaveral në Florida: dërgimin në orbitë të dy sondave të NASA-s dhe uljen e përsëritur të fazës së parë të raketës mbi një barzë në Atlantik.
Raketa u ngrit në aer në mesditën e 13 nëntorit 2025 dhe vetëm njëzet minuta më vonë zbriti me sukses në një platformë detare, një arritje që e rendit Blue Origin mes pak kompanive në botë që kanë arritur reutilizimin e këtij elementi kritik të lansimeve hapësinore.
Njëkohësisht, faza e sipërme e raketës çliroi dy sondat “EscaPADE” – të emërtuara “Blue” dhe “Gold” – që do të niseshin drejt Marsit për të studiuar ndërveprimin mes rrymave diellore dhe fushës magnetike të planetit të kuq. Misioni do të zgjasë rreth 22 muaj deri të arrijë orbitën e Marsit në vitin 2027.
Ky sukses është veçanërisht i rëndësishëm sepse New Glenn nuk është vetëm një raketë, por një instrument i strategjisë së Blue Origin për të hyrë në tregun komercial të lansimeve hapësinore dhe për të konkurruar me fuqi të mëdha si SpaceX. Me aftësi për të nisur ngarkesa të rënda dhe të rishfrytëzueshme, New Glenn synon të jetë zgjedhja kryesore për misionet e ardhshme të NASA-s, për eksplorimin lunar dhe për dërgimin e satelitëve ndërkombëtarë.
Megjithatë, sfida nuk kanë mbaruar: Blue Origin duhet të vërtetojë se mund të ripërdorë me efikasitet booster-in e tij, të reduktojë kostot dhe të operojë në mënyrë konkurruese në një industri ku domen dominon SpaceX. Nga ana tjetër, arritja e djeshme i jep kompanisë një avantazh të rëndësishëm në garën për eksplorimin hapësinor të shekullit 21.
Discussion about this post