Facebook-u dhe rrjetet e tjera sociale janë shndërruar tashmë në hapësira të mirëfillta komunikimi ku njerëzit ndajnë jo vetëm pikëpamjet dhe idetë e tyre por dhe copëza nga jeta e përditshmëria e tyre. (Këtyre të fundit nuk mund t’u themi më copëza, sepse të gjithë e kanë nga një mik virtual që poston çdo moment të ditës në facebook, instagram apo snapchat). Mund të publikoni çfarë të dëshironi, por jo gjërat e mëposhtme, të paktën kështu thonë ekspertët e kibernetikës
- Patentën e shoferit
Patenta juaj përmban datën e lindjes, foto dhe gjithfarë informacioni tjetër i vlefshëm për “hajdutët e identitetit”
- Planet tuaja të pushimeve
Mos shkruani asgjë në internet kur do të largoheni dhe sa kohë do të zgjasë udhëtimi. Ky informacion është si minierë ari për keqbërësit.
- Faqet e brendshme te pasaportës
Kodet dy-dimensionale dhe kodet QR mund të mbajnë shumë informata dhe kodet e printuara mund të lejojnë që dikush të zbulojë më shumë rreth jush, planet e udhëtimit tuaj të ardhshëm etj.
- Si ndiheni me të vërtetë për shefin tuaj! Mendimet për koleget e jo vetëm bëni mirë t’i ndani në një bisedë private mes miqsh të vërtete sesa në murin e facebook-ut.
- Gjërat për fëmijët tuaj
Çdo prind vendos vetë nëse dëshiron të postojë foto të fëmijëve, por sigurohuni që në facebook mos të ndani të dhëna të rëndësishme si adresa e shkollës, momentet kur ai është vetëm etj.
- Çdo gjë tjetër për të cilën mund të pendoheni
Shmangni postimet kur jeni të dehur, kur sapo jeni ndarë nga partneri apo gjëra të ngjashme.
Discussion about this post