Skype dhe PayPal kanë publikuar integrimin e shërbimeve të tyre. Këto shërbime janë përditësuar në aplikacionet mobile të Skype për Android dhe iOS, në 22 vende në total. Vendet janë përkatësisht: SHBA, Britania e Madhe, Austria, Belgjika, Kanadaja, Qiproja, Estonia, Finlanda, Franca, Gjermania, Greqia, Irlanda, Italia, Letonia, Luksemburgu, Malta, Hollanda, Portugalia, San Marino, Sllovakia, Sllovenia , dhe Spanja.
Nëse jetoni në një nga ato vende, keni një llogari PayPal dhe përdorni Skype për Android ose iOS mund të instaloni versionin e ri të Skype për dy platformat kryesore mobile, që ka filluar të funksionojë sot. Sapo ta instalosh do të jesh në gjendje tu dërgosh me lehtësi para njerëzve përmes PayPal, direkt brenda aplikacionit të mesazheve.
Procedura:
Zgjidhni opsionin Find në shiritin e sipërm dhe zgjidhni Send Money – Dërgo Paratë. Pastaj shkruani shumën për të dërguar, dhe konfirmoni pagesën.
Vihet re se ky funksionalitet është projektuar për dërgimin e parave për miqtë dhe familjen, dhe jo për pagesat e mallrave ose shërbimeve nga bizneset.
Discussion about this post