Pas prezantimit në treg të versionit USB 3.1, pritet të dalë në treg pasuesi tij- 3.2. Ky pasues vjen me përmirësimin e shpejtësisë ndërkohë që dalja e standardit USB 3.2 pritet të konfirmohet në shtator.
Shumica e konsumatorëve e njohin USB si kyçës, kohëve të fundit gjërat kanë marrë dimension të ri – për shembull lidhja USB-C, e cila shfrytëzon maksimalisht USB 3.1.
USB-IF ka paralajmëruar standardin 3.2, por kjo nuk do të thotë se kabllot e reja USB-C duhet hequr nga përdorimi. Përveç ngritjes drastike të shpejtësisë, nuk ka funksione tjera teknike me rëndësi të madhe.
Çdo standard i ri rrit shpejtësinë përmes të ashtuquajturës multi-lane, ku mundësohet përdorimi i njëkohshëm i punës në dy lidhjet 5Gbps ose 10Gbps. Shpejtësia maksimale në teori ashtu ngrihet në 20Gbps. USB 3.2 do të vazhdojë të shfrytëzojë lidhjet aktuale USB-C dhe në shumicën e rasteve nuk do të ketë nevojë për blerjen e kabllove të reja për kompjuter ose telefon.
Pronarët e kabllove të vjetra dhe pajisjeve nuk duhet të brengosen, pasi do të mbështeten nga tregu edhe për një kohë të gjatë.
Discussion about this post