Rrjeti më i madh social Facebook prej kohësh është në qendër të diskutimeve sa i takon politikave të privatësisë. Së fundmi ata kanë pranuar që kanë lejuar kompani të mëdha teknologjike të lexojnë mesazhet private të përdoruesve. Por, e mohojnë kategorikisht që e kanë bërë këtë gjë pa marr lejen.
Përgjigja erdhi pas një investigimi të bërë nga New York Times, i cili zbuloi se Facebook i dha mundësinë kompanive si Netflix, Spotify dhe Banka Mbretërore e Kanadasë; për të lexuar, shkruar, fshirë mesazhet private të përdoruesve.
Zëdhëndës të Spotify dhe Netflix i thanë Times se ata nuk ishin në dijeni të fuqisë që Facebook i kishte dhënë. Ndërkohë zëdhëndësi i Bankës Mbretërore të Kanadasë mohoi që banka të kishte një akses të tillë.
Sipas raportit të Times, nga këto marrëveshje me Facebook kanë përfituar më shumë se 150 kompani. Duke shtuar se nga këto dakordësi më shumë përdorues do të regjistroheshin në Facebook.
“Të jemi të qartë, asnjë nga këto marrëveshje nuk i ka dhënë kompanive akses në informacione pa miratimin e përdoruesit. As nuk është dhunuar marrëveshja jonë e vitit 2012 me Komisionin Federal të Tregtisë,”- thuhet në postimin e Facebook.
Gjatë këtij viti, Facebook është përfshirë në një sërë skandalesh në mënyrën sesi i administrojnë të dhënat personale. Disa parlamentarëve britanik publikuan në fillim të këtij muaji disa dokumente, në të cilat tregohej sesi Facebook ka konsideruar në dhënien e aksesit që kompani të tjera të hyjnë lehtësisht në të dhënat personale.
Gjatë këtij viti aksionet e Facebook kanë rënë afro 20%, pasi investitorët kanë vënë në pikëpyetje drejtimin e kompanisë dhe nuk kanë besim. Përshtati: Tirana Today Burimi: CNBC
Discussion about this post