Një ndër aplikacionet e komunikimit më popullor në botë “WhatsApp” është jashtë funksionit, me përdoruesit që janë detyruar të përdorin të tjera mjete për të komunikuar me njëri-tjetrin.
Aplikacioni ka pësuar ndërprerje dhe deri më tani ka pasur ankesa nga një mori vendesh të botës.
Probleme ky rrjet social ka pasur edhe në Shqipëri, ndërkohë që kompania ende nuk ka komentuar shkakun e ndërprerjes.
Ndërprerja tjetër më e madhe e Whatsapp në botë ndodhi në muajin maj të 2018-tës, kur për disa orë njerëzit e kishin të pamundur të komunikonin. Ky shërbim përdoret nga 1.2 miliardë përdorues në botë.
Discussion about this post