Mësimi anembanë botës po zhvillohet online, kjo për shkak të pandemisë. Por një situatë e sikletshme që ka ndodhur me aplikacionin Zoom, ka detyruar autoritetet në Singapor që të merrnin masat paraprake.
Deri në sqarimin e plotë të rastit, Singapori ka pezulluar mësimin në Zoom. Një zonjë është ankuar se gjatë orës së gjeografisë, në programin Zoom, në ekran janë shfaqur disa imazhe të pahijshme.
Po kështu, vajzës së saj i është kërkuar të performojë akte seksuale. Raportohet se gjatë orarit të mësimit online, me rreth 39 nxënës, aplikacioni u hakua dhe u shfaqën dy burra kaukazianë, të cilët bënë komente të pahijshme. Lidhur me këtë zhvillim u sinjalizua Ministria e Arsimit, ku po heton dy shkeljet. Po kështu, pritet që të paraqesë një raport të detajuar policorë.
