Netflix duket se është i paarritshëm për shumë përdorues në pjesë të ndryshme të botës. Raportime të shumta për rënie te sistemit po vijnë nga vende të ndryshme dhe paniku është shkaktuar në rrjetet sociale te shumë përdorues, të zhgënjyer nga fakti se nuk mund të përdorin shërbimin e transmetimit online sidomos ne Itali.Kjo nuk është hera e parë që ndodh dhe, të paktën në të kaluarën, kompania e ka zgjidhur problemin relativisht shpejt.
Ende nuk janë bërë të ditura shkaqet e mosfunksionimit, i cili duket se është i përgjithësuar dhe që deri më tani ka zgjatur prej një ore. Kompania nuk ka dhënë ende shpjegime për shkaqet e mundshme të defektit. Këtë herë dështimi duket se është më i rëndë se në të kaluarën dhe të paktën disa nga përdoruesit kanë vendosur ta marrin me filozofi mosfunksionimin momental të platformës. Dikush kujtoi gjithashtu se pikërisht një muaj më parë, më 4 tetor, ndodhi rënia më e madhe e rrjeteve sociale në universin Mark Zuckerberg, e cila qëndroi offline për mbi 7 orë, deri në orët e vona të mbrëmjes.
“Mund ta duroj Instagramin, Facebook-un, Whatsapp-in. Por jo Netflix-in. Apokalipsi ka ardhur, ndihmo”, ka shkruar Daniseries, një nga përdoruesit e serialeve televizive. Ka shumë përdorues që u dyndën në Twitter për të kuptuar nëse ishte një problem i përdoruesit individual dhe të cilët, duke lexuar komentet e përdoruesve të tjerë, u qetësuan kur panë se kishte një dështim në rrjedhën e sipërme.
Ndërkohë, ndërsa presin lajme nga gjigandi i transmetimit, përdoruesit kanë vendosur të dynden në Twitter për t’u ankuar për mungesën.
Discussion about this post