Marco Verratti, futbollisti i njohur i Paris Saint-Germain (PSG) dhe kampion i Evropës me kombëtaren italiane, sapo ka blerë një ishull privat në metaverse. Në detaje, është një truall dixhital, jo real, ku njerëzit një ditë do të mund të jetojnë jetën e tyre virtuale.
“Unë kam qenë gjithmonë i apasionuar pas inovacionit dhe teknologjive dhe kohët e fundit iu afrova universit të pabesueshëm të teknologjisë blockchain dhe metaverses. Kuptova se isha gati të bëja një hap të rëndësishëm dhe të isha një pararendës, duke krijuar ishullin tim privat në Sandbox. Një e nesërme nuk do të jetë vetëm e imja, do të presë mijëra miq dhe fansa të gatshëm për të ndarë eksperienca, ndeshje, koncerte e ndoshta edhe momente të jetës private. Mezi pres të shoh të realizuar të ardhmen që imagjinoja”, tha Verratti.
Verratti blen një ishull virtual në metaverse! Çmenduri apo largpamësi?
Ishulli i blerë nga futbollisti italian ishte pjesë e një grupi prej 25 ishujsh të ofruar për shitje në Sandbox nga NFT marketplce Exclusive. Në blerje, verratti u pasua nga Acta Fintech, një kompani e specializuar në konsulencë mbi blockchain dhe kripto.
“Disa vite më parë blockchain na bëri të kuptojmë se do të revolucionarizonte botën që njohim. Tani një nga aplikimet e tij, metaverse, po na tregon qartë trendin e 20 viteve të ardhshme, jo vetëm nga një këndvështrim lozonjar. Marco është zyrtarisht futbollisti i parë në botë që besoi dhe investoi në një projekt kaq ambicioz dhe futurist, jam i nderuar që më donte në bord: do të jetë kënaqësi!”, deklaroi pronari i Acta Fintech, Gian Luca Comandini.
Ndër blerësit e 24 ishujve të mbetur spikasin emrat e personaliteteve të tjera të njohura si futbollisti i Bayer Monaco Kingsley Coman, tenistet Ana Ivanoviç dhe Stanislas Wawrinka, kompania tregtare eToro dhe modelja e Victoria Secret dhe Calzedonia, Sara Sampaio. Ne nuk e dimë vërtet se sa kanë paguar blerësit për ishullin e tyre, por Exclusible tha në njoftimin e tij se shuma totale e shitjes së lotit (25 ishuj) arrin në 910 ETH, që është e barabartë me 2.9 milionë dollarë.
Discussion about this post