Duket e pa besueshme që mund të shohim një tren me goma i cili ecën në të njëjtën rrugë ku qarkullojnë edhe makinat. Kina e ka bërë realitet atë që duket e pa besueshme sepse ka prodhuar një tren që ecën në binarë virtualë në mënyrë që të përshpejtohet transporti publik në qytetet e mëdha.
Treni i ri është zbuluar të premten në Zhuzhou, Kinë dhe nuk e ndot ambientin.
Sipas CRRC, prodhuesit kinez të hekurudhave, treni ka rrota gome me bërthamë plastike në vend të rrotave të çelikut.
‘Autonomous Rail Transit’ ka dy avantazhe të sistemit të transportit hekurudhor dhe të autobusëve, është i shpejtë dhe nuk ndot ambientin. CRRC filloi dizenjimin e trenit në vitin 2013.
Ai është 31 metra i gjatë, mban një ngarkesë minimale prej 307 pasagjerësh ose 48 ton dhe ecën me shpejtësi 70 km në orë, raporton People’s Daily Online.
Discussion about this post