WhatsApp së fundmi ka bërë përditësime të aplikacionit, tashmë përdoruesi mund të shpërndaje gjithçka, madje edhe çdo lloj dokumenti. Përpos lehtësive të mundshme, ky përditësim ka dhe një rrezik në vetvete. Nëse jeni përdorues iPhone mund të përdorni këtë shërbim mesazhesh për të shpërndarë çdo lloj dokumenti, mjafton të jetë deri në 100 MB. Më herët mund të shpërndaje vetëm dokumente PDF.
Kjo përbën një rrezik më vete, sepse ju ekspozon ndaj elementeve të pasigurisë, pasi krimi kibernetik mund ta marrë si avantazh këtë përditësim duke përhapur dosje virusi nëpërmjet dokumenteve që shpërndan. Duke qenë se WhatsApp i jep mundësitë kujtdo, jo vetëm kontakteve të tua, për të të shkruar, është shumë e lehtë të biesh pre.
Nëse merrni një mesazh të dyshimtë nga një dërgues që nuk e njihni, bllokojeni atë, kështu që as nuk do tju shkruajë e as do ju telefonojë më në WhatsApp. Thjesht hapni dritaren e bisedës, dhe klikoni mundësinë “Block”, ose mund ta raportoni si Spam përdoruesin.
Kujdes! Nëse e klikoni linkun e virusit, dhe shkarkoni ndonjë dosje të infektuar, ju duhet urgjent një antivirus softëare për telefonin tuaj.
Discussion about this post