TESLA ndezi konkurrencën në tregun më të madh të makinave elektrike në botë. Ndërkohë, prodhuesi i automjeteve me bazë në Shanghai NIO, është kompania kineze që po përpiqet së fundmi të përfshihet në këtë prodhim. Kompania prezantoi SUV me 7 vende elektrike në një event në Pekin gjatë fundjavës që shkoi.
NIO ES8 është pothuajse 50% më lirë se Modeli X i Teslës, duke filluar nga 448,000 juan (rreth 68,000 dollarë). NIO gjithashtu ofron disa tipare shtesë në krahasim me Tesla-n, duke përfshirë një sistem inteligjent artificial në makinë dhe një portë të ngarkimit që thotë se do të lejojë që shoferët të ndryshojnë bateritë e tyre të makinave në vetëm tre minuta.
Presidenti i NIO, Lihong Qin tha për CNN se kompania e tij ka në plan të “synojë klasën e mesme në qytetet e mëdha në Kinë”, duke parashikuar që tregu do të dyfishohet në madhësi në katër deri në gjashtë vitet e ardhshme.
Kina tashmë është një treg i madh për Teslën (TSLA). Ky treg raportoi të ardhura prej më shumë se 1.5 miliardë dollarësh nga vendi në nëntë muajt e parë të këtij viti, nga vetëm 570 milionë dollarë në të njëjtën periudhë të një viti më parë. TIRANA TODAY
Discussion about this post