Elon Musk ka kërcënuar drejtpërdrejtë se do të prishë marrëveshjen me Twitter, duke akuzuar kompanitë e medias sociale për shkeljen e marrëveshjes pasi pretendon se nuk i kanë ofruar të dhënat që ai ka kërkuar për llogaritë false.
Në një letër drejtuar kreut ligjor të Twitter, Vijaya Gadde, Musk pretendoi se Twitter po pengon të drejtat e tij të informacionit. Musk gjithashtu ka bërë thirrje për të bërë vlerësimin e tij të pavarur bazuar në të dhënat e Twitter.
Sjellim në vëmendje se rreth një muaj më parë, bordi i Twitter ka rënë dakord për të pranuar ofertën prej 44 miliardë dollarësh nga miliarderi Elon Musk. Musk ka pohuar se ai është personi i duhur për të “zhbllokuar potencialin e jashtëzakonshëm” të firmës së mediave sociale.
Ai bëri thirrje për një sërë ndryshimesh, nga lehtësimi i kufizimeve të përmbajtjes deri te zhdukja e llogarive false. Firma fillimisht kundërshtoi ofertën e Musk, por tani do t’u kërkojë aksionarëve të votojnë për të miratuar marrëveshjen.
Mesa duket këto mosmarrëveshje vijojnë akoma mes Musk dhe aksionerëve të firmës.
Discussion about this post