Një javë pas njoftimit të partneritetit me Coinbase për t’u ofruar klientëve institucionalë akses në tregtimin e kriptomonedhave, BalckRock po lançon Spot Bitcoin Private Trust.
BlackRock, kompania më e madhe e investimeve në botë, në fakt ka lançuar një fond privat që u ofron klientëve institucionalë – tani për tani vetëm në Shtetet e Bashkuara – një ekspozim spot ndaj bitcoin.
Ky është produkti i parë i BlackRock që ofron ekspozim të drejtpërdrejtë ndaj çmimit të bitcoin.
Në komunikimin zyrtar, kompania theksoi angazhimin e saj për t’u ofruar klientëve një shumëllojshmëri zgjedhjesh në portofolin e saj të investimeve, duke deklaruar se është e përkushtuar t’u sigurojë klientëve akses në mundësitë e investimit që ata dëshirojnë.
Në deklaratë, BlackRock deklaroi gjithashtu se “Bitcoin është kriptoaset më i vjetër, më i madh dhe më likuid dhe aktualisht është objekti kryesor i interesit nga klientët tanë brenda hapësirës së kriptoaseteve. Duke përjashtuar monedhat e qëndrueshme, bitcoin ruan pothuajse 50% të kapitalizimit të tregut të sektorit “.
Kompania thotë se është e inkurajuar që organizata të tilla si RMI dhe Energy Web po zhvillojnë programe për të sjellë transparencë më të madhe në përdorimin e qëndrueshëm të energjisë në minierat e bitcoin dhe do të ndjekin përparimin e këtyre nismave.
BlackRock ngadalë iu afrua kriptomonedhave, duke lançuar një ETF blockchain në prill. Një muaj më parë, CEO i BlackRock, Larry Fink, tha se lufta në Ukrainë mund të përshpejtojë adoptimin e monedhës dixhitale.
Ai aktualisht është duke punuar në katër fusha të aseteve dixhitale dhe ekosistemeve shoqëruese, ku sheh përfitime të mundshme për klientët e tij dhe për tregjet e kapitalit në përgjithësi, duke përfshirë: blockchains të licencuar, stabilcoins, kriptoasetet dhe tokenizimin.
Sipas kompanisë “Pavarësisht rënies së mprehtë në tregun e aseteve dixhitale, ne ende po shohim interes të konsiderueshëm nga disa klientë institucionalë se si të aksesojmë në mënyrë efikase dhe me kosto efektive këto asete duke përdorur teknologjinë dhe aftësitë tona të produktit”.
Discussion about this post