Jaguar publikon modelet tronditëse të 2020, makinat do të jenë elektrike

Çdo makinë e linjës Jaguar Land Rover (JLR) e prodhuar pas viteve 2020 do të jetë elektrike ose hibride, njoftoi kompania prestigjoze.

Prodhuesi i makinave tha se modeli i parë i makinës plotësisht elektrike, Jaguar I-Pace, do të dalë në shitje në 2018.

Shefi ekzekutiv i JLR Ralf Speth tha se kjo masë ka për qëllim “t’u japë konsumatorëve edhe më shumë zgjedhje”.

Firma më e madhe e makinave në Britani, është në pronësi të Tata të Indisë.

Në korrik, firma kineze Volvo tha se të gjitha modelet e saj të reja do të kishin motor elektrik që nga viti 2019.

Megjithatë, Volvo dhe JLR do të vazhdojnë të prodhojnë edhe modelet e hershme që kanë motorë me djegie.

“Motori me djegie të brendshme është art më vete”, tha Speth.

Jaguar projektoi gjithashtu një version elektrik të veturës klasike të tipit Jaguar E. Megjithatë, ajo ishte menduar si një makinë koncept, pra nuk është në dispozicion për shitje.