Kompania e telefonave Xiaomi me anë të një videoje ka publikuar ditën e sotme telefonin e palosshëm.
Të dyja anët e pajisjes mund të palosen për ta transformuar atë nga një tabletë në telefon, pra të ketë një funksion të dyfishtë. Ndryshe nga telefonat e tjerë të palosshëm që kemi parë kohët e fundit, kjo me siguri duket një nga arritjet më të mëdha të teknologjisë.
Xiaomi nuk jep shumë detaje rreth telefonit të palosshëm, por presidenti Lin Bin zbulon se pajisja në video është thjesht një model inxhinierik. Bin vë në dukje se Xiaomi ka mposhtur “një sërë problemesh teknike, si teknologjinë e paneleve fleksibël të palosshme, teknologjinë e boshtit me katër rrota, teknologjinë e mbulimit fleksibël dhe adaptimin e MIUI”.
Xiaomi duket se e ka përshtatur softuerin MIUI për telefonin e palosshëm dhe në video shihet qartë që pajisja mund të konvertohet lehtë nga moduli tabletë në telefon.
Telefoni i palosshëm i Xiaomi që u zbulua këtë muaj, është i vendosur të konkurrojë kundër pajisjeve si prototipi i telefonit të Samsung dhe pajisja e palosshme e kompanisë kineze Royole.
Huawei njoftoi se po planifikon të lançojë një pajisje të palosshme, dhe Lenovo më parë ka lajmëruar se po punonte në telefonat me palosje. Xiaomi nuk ka zbuluar se kur do të mësojmë më shumë detaje rreth këtij telefoni, por duke marrë parasysh që ‘Mobile World Congress’ fillon brenda një muaji, shumë shpejt do të dëgjojmë shumë më tepër rreth pajisjes së palosshme.
Përshtati TIRANA TODAY
Discussion about this post