Instagram ka vendosur që të shtojë dy opsione të tjerë brenda aplikacionit për ta bërë atë më zbavitës. Opsionet e shtuara janë “Reels”, e cila është versioni i TikTok-ut nga Instagrami, ndërsa opsioni tjetër i shtuar është “Shops” në të cilin mund të blesh produkte online që reklamohen ne aplikacionin e Instagramit.
Ndryshimet e reja janë të mundura në të dy llojet e sistemeve të operimit si iOS dhe Android. Kompania e aplikacionit u shpreh se Reels në fillim nisi si një test ndonse tani ka opsionin e vetë. Më tej ata thanë se është edhe një mënyrë e re ku njerëzit mund të shprehin kreativitetin e tyre.
“Reels është një vend ku njerëzit mund ta shpërndajnë kreativitetin e tyre me botën dhe të kenë një shans të shpërthejnë dhe të gjejnë një audiencë,” shkruan kompania.
Ndërsa në opsionin Shops mund të gjeni të gjitha rekomandimet për markat dhe brendet e fundit të veshjeve dhe produktet që nxirren për reklamë në Instagram.
