Facebook ka zhvilluar një sistem ku shumë përdoruesve si (politikanë, gazetarë dhe VIP-a në përgjithësi) ju aplikohet një trajtim i veçantë.
Falë programit, të njohur si XCheck (kontroll i kryqëzuar), këta njerëz mund të shkelin rregullat e rrjetit social, pa hyrë në kontrollin e moderatorëve. Andy Stone, kreu i komunikimit, vuri në dukje se sistemi ishte i njohur që nga viti 2018.
Bazuar në dokumentet e lexuara dhe të publikuara nga Wall Street Journal, Facebook ka krijuar një listë të bardhë që përfshin të paktën 5.8 milion përdorues.Kompania Menlo Park thotë se rregullat janë të njëjta për të gjithë. Në realitet, këta njerëz “mund të shkelin standardet pa asnjë pasojë”. Duke qenë shumë të popullarizuar dhe me ndikim ata mund të përbëjnë një rrezik për marrëdhëniet me publikun nëse përmbajtja e tyre censurohet.
Nëse një përdorues poston dicka që shkel rregullat, një sistem i automatizuar fshin përmbajtjen ose e bën atë më pak të dukshëm në burimin e lajmeve.Në disa raste rishikohet nga moderatorët jashtë kompanisë. XCheck funksionon ndryshe. Postimet nuk fshihen menjëherë, por kontrollohen nga ekipe të ndryshme të punonjësve të Facebook të cilët mund të shtojnë llogaritë në listën e bardhë.
Dokumentet që lidhen me XCheck tregojnë se Facebook ka mashtruar Bordin e Mbikëqyrjes(Oversight Board). Ky i fundit shkroi në Twitter se kishte shprehur vazhdimisht shqetësime për mungesën e transparencës së procesit të moderimit, veçanërisht në rastin e llogarive të profileve ‘vip’.Kompania tashmë ka identifikuar problemet me sistemin XCheck dhe po punon për t’i rregulluar ato.
Discussion about this post