TIRANË– Arkivi digjital i Radiotelevizionit Shqiptar ka rënë pre e një sulmi kibernetik rreth dy javë më parë. Gazetari i Report Tv, Arsen Rusta raporton se serverat e RTSH-së janë sulmuar nga individë ende të paidentifikuar përmes një sistemi hakerimi të quajtur ransomware. Hackerët që jane futur në servera të RTSH përmes rrjetit online, kanë arritur ta enkriptojnë databasin e Radio Televizionit Publik.
Më pas ata kanë kërkuar 300 mijë dollarë për t’i rikthyer materialin Radio Televizionit Shqiptar dhe për ta dekriptuar, por RTSH nuk ka pranuar ta paguajë asgjë, pasi shumica e database për fat të mirë ishin të kopjuar në një backup offline. Si pasojë e këtij sulmi është dëmtuar vetëm një pjesë e arkivit digjital të Radio Tirana. Pjesa tjetër e arkivit të televizionit është rikuperuar.
Ky është sulmi i dytë kibernetik që ndodh brenda pak ditësh në faqet zyrtare të institucioneve publike shqiptare. Më herët, serveri i Shërbimit të Çështjeve të Brendshme dhe Ankesave ra pre e një hakerimi të ngjashëm.
Çfarë është ransomware?
Ransomëare është një nëngrup virusesh në të cilin të dhënat në kompjuterin e ‘viktimës’ apo atij që bie pre e sulmit bëhen të papërdorshme. Motivi për sulmet ransomëare zakonisht është përfitimi monetar. Pagesa shpesh kërkohet në një monedhë virtuale, siç është bitcoin, në mënyrë që identiteti i hakerit apo grupit të hakerave të mbetet anonim.
(F.m/Dosja.al)
Discussion about this post