Ndalimi i Huawei nga Shtetet e Bashkuara të Amerikës vazhdon të sjellë kufizime për pajisjet e saj.Në këtë kontekst, disa përdorues e kanë gjetur veten me një aplikacion “të dyfishtë”, por me një ikonë tjetër. Jo të gjithë e kanë kuptuar se çfarë po ndodh: prandaj është interesante të sqarohet.
Para së gjithash duhet thënë se nuk ka asgjë për t’u shqetësuar. Në fakt, ndryshe nga sa mund të mendojnë disa, asgjë “dashakeqe” nuk i ka ndodhur smartfonit tuaj Huawei: është një procedurë zyrtare. Po, e keni kuptuar mirë: është e njëjta markë kineze që instalon një aplikacion pothuajse “identik” me atë të mëparshëm, por me një ikonë pak të modifikuar.
Me siguri po pyesni pse: ne do t’jua shpjegojmë menjëherë. Gjithçka është e lidhur, siç u përmend më lart, me ndalimin e Huawei nga SHBA.Në fakt, kjo e fundit duket se nuk e lejon gjigantin kinez të përditësojë siç duhet aplikacionet në Play Store. Kujtojmë se i referohemi dyqanit zyrtar dixhital të Google, i cili përfaqëson një shërbim të cilin ndër të tjera Huawei nuk mund ta përdorë më për pajisjet e reja.
Në këtë kontekst, aplikacioni Huawei AI Life, i cili shërben për menaxhimin e pajisjeve të jashtme si kufjet, nuk përditësohet që nga data 8 gusht 2020 në Play Store. E kuptoni që kjo mund të krijojë më shumë se disa “dhimbje koke” dhe duket se Huawei po përpiqet të gjejë mënyra alternative.
Në fakt, tashmë aplikacioni Huawei AI Life i publikuar në Play Store i kërkon përdoruesit të bëjë një përditësim, duke treguar faktin se ky i fundit do të bëhet përmes burimeve të jashtme të Play Store. “Pas përditësimit, do të ketë dy versione të këtij aplikacioni në pajisje. Ne ju rekomandojmë që të fshini atë të mëparshmin”, lexohet gjithashtu në “pop-up” që shfaqet në ekran.
E thënë thjesht, përdoruesit i kërkohet të mundësojë instalimin e aplikacioneve nga burime jashtë Play Store, në mënyrë që të instalojë versionin e ri të aplikacionit Huawei AI Life, i aftë për të aksesuar disa veçori të tjera.
Përdoruesit këshillohen gjithashtu të çinstalojnë aplikacionin e vjetër, i cili padyshim nuk do të jetë më i nevojshëm. Për pjesën tjetër, ndoshta edhe për ta bërë më të dukshëm ndryshimin midis dy aplikacioneve, gjithashtu u mendua të bënte një “retush” të vogël për ikonën. Me pak fjalë, edhe pse çështja është “e ndërlikuar”, gjithçka ndodh në një nivel zyrtar, kështu që nuk keni pse të shqetësoheni shumë për sigurinë e pajisjes tuaj.
Discussion about this post