Censura ruse përpiqet të godasë Wikipedia-n

Qeveria e Moskës përpiqet në çdo mënyrë të fshehë të vërtetën për luftën kundër Ukrainës, duke ngadalësuar aksesin në rrjetet sociale ose duke manipuluar opinionin publik përmes propagandës së regjimit. Redaktorët e versionit rus të Wikipedia morën një njoftim nga Roskomnadzor. Organi që mbikëqyr komunikimet dhe mediat ka kërkuar që të hiqen disa informacione nga artikulli mbi pushtimin, në të kundërt qasja në enciklopedi do të bllokohet.

Censura ruse përpiqet të godasë Wikipedia
Nga 24 shkurti, dita e pushtimit të Ukrainës nga Rusia, Wikipedia përditëson artikullin e quajtur “Pushtimi rus i Ukrainës 2022”, i cili ofron një pasqyrë të plotë të luftës, duke treguar ngjarjet në rend kronologjik. Ndër informacionet e ndryshme të raportuara janë ato për vdekje dhe plagosje. Sipas Roskomnadzor, numri i viktimave midis ushtarakëve dhe civilëve rusë është i pasaktë, kështu që të dhënat duhet të hiqen. Përndryshe, versioni rus i Wikipedia-s do të bllokohet.

Роскомнадзор прислал уведомление от Генпрокуратуры с угрозой блокировки Википедии за статью «Вторжение России на Украину (2022)». pic.twitter.com/O3vKd7H1GV

— Русская Википедия (@ru_wikipedia) March 1, 2022

Për të siguruar informacion sa më neutral të jetë e mundur, kolona e majtë e artikullit tregon të dhëna nga burime të ndryshme (Rusi, Ukraina, Shtetet e Bashkuara, Kombet e Bashkuara). Sipas burimit rus, deri më 2 mars janë vrarë 498 ushtarë rusë, ndërsa sipas burimit ukrainas numri është mbi 9 mijë. Shifra kontradiktore edhe për ushtrinë ukrainase: mbi 110 sipas burimit ukrainas, mbi 2800 sipas burimit rus. Ndryshime edhe në numrin e civilëve të vrarë: mbi 2000 sipas Ukrainës, mbi 136 sipas Kombeve të Bashkuara.

Artikulli ishte padyshim i mbrojtur për të shmangur vandalizmin, siç tregohet nga dryni lart djathtas (ndryshimet lejohen vetëm për redaktorët me llogari të regjistruara për të paktën 30 ditë). Fondacioni Wikimedia ka konfirmuar mbështetjen e tij për akses të lirë në informacion dhe për redaktorët që përfaqësojnë vijën e parë të mbrojtjes kundër manipulimit të fakteve.