Ndërsa Mark Zuckerberg shkon drejt në metaverse, pasi ndryshoi tërësisht fokusin (dhe emrin) e kompanisë vitin e kaluar, deklarata të kundërta vijnë nga Apple.
I intervistuar në WSJ Tech Live, nënpresidenti i kompanisë Greg Joswiak foli, së bashku me Craig Federighi, për strategjitë e ardhshme të gjigantit Cupertino.
Gazetari u kërkoi dy drejtuesve të luanin një lojë: plotësoni fjalinë “metaverse është …”. Përgjigja e Joswiak ishte gazmore, por në të njëjtën kohë treguese se si Apple e sheh këtë botë: “… një fjalë që nuk do ta përdorja kurrë”. Fraza ka hapur derën e interpretimeve të ndryshme: për shumë është një tregues i qartë se si Apple nuk ka ndërmend të hyjë në këtë treg, ndërsa të tjerë e shohin atë si një mënyrë për të tallur Facebook-un.
Kohët e fundit ka pasur mjaft grindje mes Apple dhe Facebook. E fundit, sipas rradhës kohore, kishte të bënte me platformat e mesazheve të çastit, me Mark Zuckerberg i cili tha se Whatsapp është më i sigurt se iMessage dhe në një postim në Instagram ai donte të theksonte sesi aplikacioni i tij ofron një nivel më të lartë mbrojtjeje për përdoruesit që e përdorin atë. Më herët, CEO i Metës kishte pohuar se Apple i shet produktet me çmim të lartë.
Discussion about this post